tante panse ga ste spose, e del veneto e xe e tose!

[mammaba]

ALEEE! Anca el mio xè un magna&dormi, ...non el fa tirae de cinque ore, ma le so tre orette l'è fa. Con qualche eccession de intervai corti de do orette.
A mi non me pare gnanca vero, ...Luna la gavevo tacada soe tette 24 ore al giorno se no el gera un pianto continuo.
Matteo invesse non l'è gnanca bon de pianzere, quando el ghe prova, ...el parte anca ben, ma dopo va finire che el fa sempre un verso da piegora.... el me fa massa ridare.

[ale85]

Anca mi so nata a Camposampiero eh.. cossa credio??

[Maya70]

Orca, tute la sio nate?
Ale bentornadaaaa!!!! Par el raconto del parto fa pure con calma, intanto partorisso mi, cussì no me spavento troppo! El me marìo ieri giera lì che cusinava e mi dopo na giornada de lavori me ne stavo tranquia a ziogar co Anika sul divano...gà osà dire qualcossa sul fato che i so amighi i gà la mojer che cusina...a parte el fato che iu cusina par iu soltanto parchè Anika no a magna picante e quindi mi cusino par mi ed ea...ma ghe gò risposto che i so amighi no i gà a moglie che lavora e ghe porta a casa o stipendio che porto mi, che no e tien a casa come a tegno mi, no e xe capassi de montar i mobili come faso mi (zioba me so montada da sola una cassettiera dea Ikea) no e xè capassi de giustar na stampante da sole (se giera blocada la stampante e mi a gò sistemada)...insomma ghe xè tocà star zito e bono, altrimenti me o magnavo vivo

Mammaba sì, manca pochissimo! Ieri so ndada dal gine ma gà dito che xè ancora tuto ben serà. Me gà fissà el monitoraggio par el 12, sempre che no partorissa prima.

[Maya70]

Mammaba, mi a visita post parto a gò fata...un anno dopo!!! Ma per scelta!
Me sentivo ben e me disevo, "sì ghe xè tempo", e rimanda e rimanda ala fine xè passà un anno. No xè na robo proprio indispensabie...mi aspetarìa, piutosto de sborsar ancora schei...

[squinsy]

Ciao tose, ve fasso un saeudin...
Son casa de me mama e approfitto del'adiesseelle par caricar veocemente qualche pagina....

El lavoro da mediauorld xe tanto, specialmente par mi che osn in cassa.,.
se fusse in reparto sarìe pì tranquia....
A prima settimana xe stata fruttuosa...
Gò imparà ben bastansa robe, ma ancora no i me mette in cassa da soea, e no capisso parchè, ma vabbè....

Ve saeudo, fra poco vago casa, che me fasso un bel bagno riassante....

[ale85]

CIAO venete..
come zea la??
ieri semo n'dai catare a me vissina de leto dell'ospedae.. ga el cieo che magna e pianse.. na disperazion!!1.
el voe sempre stare in brasso, no ghe ze verso.. anca se no in brasso dea mama basta che staga in brasso de qualcuno..
mi con Antonio vago anca massa ben, se semo incorti che ghemo un angeo!!!
el cresse un mucio, qualche tutina ghe va stretta.. uff... anca i pannolini me sa che tra poko cambiemo misura.. el ze 4,7 kg!!
doman ghemo a visita dal pediatra e mercore mi go da n'dare sborsare schei dal gine..
cussì..
Antonio desso ze drio regoarse mejo par magnare a notte el me fa dormire de pi'.. mah.. forse so mi che me so abituà a eo.. parchè me moroso se lamenta sempre che no el dorme..
me fioo dopo che el ga magnà e ze cambià o meto su a navetta e no voe saverghine de dormire.. el comissia ciaccoare con i angioeti tra un aaaaa e un eeeee.. el va vanti un ora e mesa senza ciapar sono.. mi ghe dago anca el ciuccio par farlo star bon, ma el me o spuà fora.. ahahha
eora me digo che el ga el sesto senso parla co i fanstasmi, dato che de giorno no ciacoea quasi mai..
mah!!!
desso ve saudo, aproffito de.l bel tempo par portarlo fora.. desso ze e ore pi calde.. ciaoo!!

[Maya70]

Quea che i cei parla coi fantasmi giera na impression che gavevo anca mi...me faseva quasi paura ...me marìo rincarava la dose parchè anca nea so cultura i xè convinti che i cei parla coi angeli
Comunque xè massa beo...
Ale, 4,7 Kg???? Anika me ricordo ancora che giera 5 kg a 5 mesi vabbè ea no fa testo...gà sempre magnà el minimo che basta par sopravvivere, e mi sò una de quee mame degeneri che dise "se te gà fame magni, se no te gà fame te magnarà naltra volta"

[gio75]

Anca mi so nata a Camposampiero eh.. cossa credio??

anca miiiiiiiiiiiiiiiii
e abitavo a loreggia

[gio75]

ale congratulassioni !!!!!!!!!!!!!!

[gio75]

ve metto na fotina aggiornata de la emilia
fatta in sti gg che son sta a un raduno con le febbrarine in toscana
http://img87.imageshack.us/img87/1240/dsc01828ck0.jpg

[gio75]

mi voo vanti
tutto bene solo che me sa che go ciapà i me primi chili
e go za e gambe gonfie

par el resto tutto ok
lesare della mammaba con matteo me fa ricordare la me esperienza con la emilia
a gera na bamboea davvero no a piansea mai

quindi so za che a prossima sarà un vero disastro
però credime che ndaria partorir doman
pitosto che sveiarme parchè a pansa me da fastidio o per la pubalgia
me sveiaria per allattar ...

maya manca pochisssimo

[squinsy]

Ciao Tose, un saeudo a tutte....
Son stufa..
i me gà cambià insegnante e son co' una che xe massa perfettina e esigente...
che nerrrrrviiii!!!!!
Nel frattempo stasera, mez'ora prima che finisse de lavorar go' ricevuo na teefonada da un studio de un geometra ma no go' poduo rispondar parchè el teefono iera in armadietto, e no go sentio niente....
So che el xe un studio de un geometra parchè gò riciamà subito pena vista a ciamada, e ghe iera a segreteria teefonica....

[mammaba]

TOSEEEE!
uN SAIUDIN VEOCE, ..TORNO DOMAN CON Pì CALMA....
orco, me gera partìe le maiuscoe!

doman go la visita del mese de Matteo, ...intanto stasera ghe ghemo fatto el bagnetto e ghemo fatto la pesada dea settimana....sìo pronte?????
Ma non steme dire che l'è un porseo, ....
El pesa kg. 4,940!!!!!!!! ...el xè cressuo de kg.1,300 dal giorno dee dimission!

ALE tra el mio e el tuo podemo far su un prosciutto da quanta ciccia che i ga messo su!!!!

MAYAAAAAAAA!
ODDDIIIIIIIIOOOOOO!
Te manca soeo 7 giorni!!!!!!!

Doman se sentimo con più calma....
bonanotte a tutte!

[gio75]

bestia mammaba
te ghe fatto un vedeleto !!!!!

[mammaba]

TOOOOOOSEEEEEEE!
So qua!
La visita dalla pediatra xè andà benissimo. Gò portà Matteo che dormiva, lo gò spoià, lo gà visità e el gà avuo el coraio de dire soeo un piccoeo ueeee, bloccà subito dal ciuccio. El ghe gà fatto tanti sorrisoni aea nova pediatra e, come da copion, ghe gà fatto anca na bea pissada dosso. La gera riussia a ripararse col panoin, ma me fioeo, furbon, el gà tirà un secondo getto che xè riussio a bagnare pediatra, bilancia e lettin...un disastro insomma, ...la dottoressa la se ga messa ridare.... (par fortuna!!!).
La xè sta impressionada da come che el xè drio cressere (el se gà slongà de 4 sentimetri), non soeo soe misure ma anca de rilessi e de attività muscoeare...na soddisfassion sentirse dire ste robe!!!!!!
Ma soprattutto la continuava ripeterme che l'è un puteo bonissimo e mi continuavo dirghe che el xè così par la legge de compensasion visto come che xè so sorea!!!!

Gera la prima volta che andavo da sta dottoressa e devo dire che la me xè piasua proprio tanto, ..me pare che la gappia un fià el stesso modo de pensare del vecio pediatra, ma in più la gà na teneressa in più con i putei, ..non la finiva altro de coccoearse Matteo e lù così stava ben calmo e la ghe parlava e lù sembrava scoltarla, ....insomma gò avuo na bea impression, ..sperem ben!

[mammaba]

MAYAAAA! Dane qualche segno de vita, se no comissiemo tutte a pensare che te si drio sfornare!!!!

[mammaba]

bestia mammaba
te ghe fatto un vedeleto !!!!!

GIOOOOO! Varda che se me impianto a fare calcossa, la fasso ben........
o grasso o niente!!!!!

[gio75]

mammaba no sta pi parlare de legge de compensassion
perchè vol dire che mi tribularò come na matta con la me secondogenita

[Maya70]

Tranquie tose, so ancora qua...tuto calmo, par ora...

Mammaba, Matteo da solo el fa do dee mie cee! Anca stavolta el gine gà dito che dovarìa essar picolina come Anika, che xè nata 2870 grammi par 47 cm. Vedaremo. Però la pansa me pare un fiantin pì granda, e poi Anika xè nata a 39 setimane, adesso con Raya sono zà a 39+2 gg, quindi mi spero che nasca un fiantin pì granda, e magari un fiantin pì magnona de so sorea.
Mi par la lege de compensassion no so cossa aspetarme: Anika no me gà fato disperare, però no giera gnanca di quei cei che dove te i meti sta, gaveva molto bisogno de star in brasso e de coccoe, de note se svejava ma giera anche abastansa facile da farla riaddormentare, insoma na via de mezo. Se anca Raya fusse na via de mezo tuto somato me andarìa ben.

Anika me gà tacà un bruto rafredor con mal de goea. Speremo che me passe un po' prima de partorir, ancuò so proprio no straccetto...

[Maya70]

Squinsy, te si riusia a parlar col geometra? Tanti