tante panse ga ste spose, e del veneto e xe e tose!

[mammaba]

Dopo, son andada a far vedare el tracciato el gine e gò avuo la fortuna de trovare el mio de turno.....che cueo!!!!
E così ghemo parlà un fià de ste infession vaginai che con la cura che el mega dato non le xè andade via più de tanto..... mercore el me farà na visita, par fare el punto dea situassion, parchè ghemo parlà apertamente anche dea possibiità de un cesareo par evitare el grosso trauma dee lacerassion interne che con Luna me gà portà ad avere problemi post parto par più de un mese.....
El me ga dato dei antibiotici specifici, proprio come ultima spiaggia, ma pararìa che se la situassion non migliora el vorrìa fissare el cesareo par lunedì prossimo, un giorno prima dea scadensa....
El xè sta chiarissimo....a priori non se poe dire quae delle do situassion me porterà meno disagi. Xè certo comunque che col naturae, par quanto che el me vada ben, gavarò più lacerassion de una che non xè ciapada coe bombe come mi, ma non xè dito che me trovarò come con Luna: podarìa andare un fià mejo, come anca un fià pezo....
Col cesareo me ga dito che comunque i 5 o 6 giorni dopo el parto gavarò un fià de doeori e fastidi all'addome, ma che dopo sarìa a posto.....
A sto punto mi non gò savuo decidere e ghe gò dassà la libertà de valutare la situassion durante sta settimana e de decidere incsieme, na volta che el me gà visità, quaeo che può essere el "probabile" male peggiore.
So stada contenta che el gà capìo che el me problema non xè el parto e el travagliio in sè, comunque gavarìa l'epidurae e i doeori par el tempo che non so caverta dall'anestesia non me fa paura, ....ma me mette granda ansia la possibiità de stare un mese coe gambe verte dal mae, farme punture de Voltaren par riussire alsarme dal letto e quindi non podere seguire nè Luna nè Matteo. St'altra volta che gera soeo Luna e gera diverso, desso i xè in do e non me la sento de ridurme in quel stato. Da tegnere conto che st'altra volta, a causa de sti problemi, so entrada anca un fià in depression, che xè aumentà giorno dopo giorno, e ghe ne so vegnua fora soeo dopo qualche mese.... insomma par mi xè el spettro de un incubo....

Detto ciò, so qua che quasi spero par la scelta de un cesareo.
Ma staremo a vedare.....

[mammaba]

Mayaaaaaaaaa!
Ti come sitto ciapada???????
Fatte sentire.....

Che esperiensa gheto avuo ti col cesareo???????
Gò provà a girare par GOL per vedare le varie esperiense e me pare che gghe sia de tutto: chi che gera contenta e chi non lo rifarìa....anca se penso che sto sistema de pensare vae con tutte le robe: se te va tutto dritto te ghe ne parli ben altrimenti no.....

[helzbeth]

Mammaba.... mi 20 ponti sua pansa i gò, anca se no xe sta par un cesareo...
No savarìa dirte, salvo che a me esperiensa e quea de me cognada che a ga avuo do tosete, una col cesareo e una col naturae.

col naturae... te ravani a patata ma dopo 15 giorni te sì a posto (salvo casi particoeari come el tuo), co a pansa taiada no xe proprio cusì, te voe qualche mese par metarte a posto.

mi diria nel to caso de afidarte al consiglio del to dotor, naturalmente se te ghe fiducia de lu...

[helzbeth]

me racomando... ciamame che se riesso gavaria caro vegnerte a catare al Doeo... sempre se te fa piaser e no go a guera mondiae casa.

a me befaneta a sta ben, a ciacoea fora ogni grassia de Dio... da sto punto de vista no a xe normae, i me o gà anca dito...
a 20 mesi a parla massa... al nido a ciama i so compagni co nome e cognome...

[mammaba]

Ciao Helzbeth.....
Gavarìa caro se te me vegnessi trovare al Doeo, ...anca se spero de non essere ciapada coe bombe, ...a sto punto non gò idea de cossa che me spettarà....
Ma dassame in MP el to numero de cell che mi non lo gò mia cossì te mando el messaggio de avvenuto "svedeamento"!!!!!! :ahah :ahah :ahah :ahah :ahah

[gio75]

eccome qua donne
come lesì dalla firma
casa mia se fa solo donne
naltra femeneta evai

paolo ga dito (Siccome ghemo la camilla labrador incinta)
che ormai el punto tutto so de ela a far almanco un maschio

[gio75]

cmq sia no steme domandare i nomi che son in alto mare

me piase questi

Agnese
Aida
Alma
Amanda
Dalila
Diletta
Irene
Irma
Matilde
Noemi
Olga

ma preferisso matilde solo che o go sentio un fià massa ultimamente
e mi i nomi banali e za sentiii no me piase mia...
aiuto anca stavolta decidaremo otto secondi prima

[mammaba]

a me befaneta a sta ben, a ciacoea fora ogni grassia de Dio... da sto punto de vista no a xe normae, i me o gà anca dito...
a 20 mesi a parla massa... al nido a ciama i so compagni co nome e cognome...

Gà da essere un problema comune de tutte le maranteghete del capricorno, ...anca la mia gà sempre ciacoeà massa, ....e desso all'asio la xè peggiorada. La so maestra la ghe gà dato la carica de controeore personae, ...perchè la xè la classica marantega che ogni tre par do la va daea maestra disendoghe: l'alessia terren ha tirato i capelli a..... , ....Manuel è salito sui tavoli, ......Mattia sta tirando i sassi a.... e non la taze un attimo e allora con sto compito de controeare i so compagni, riesse a farghe tegnere a bocca sarà par qualche momento.....
ME PARE CHE LE SIA DRIO CRESSERE COME DEE MARANTEGHE DOC!

[mammaba]

GIOOOOOOO!
N'altra marantega in arrivo....che beo!!!!!
Cossì Matteo el poderà scegliere par ben la so moresetta nel forum dee Venete.....

Bei i nomi, ...mi me pise tanto Alma, ..corto semplice e che non te senti in giro. Pò, se non me sbaglio, in brasilian, voe dire Anima, ...el che me lo fa piazere ancora de più!

[gio75]

ahahah mammaba che forte la luna

me fiola la me dise sempre

ALBERTO CE L'HA IL GEL NEI CAPELLI

LA MAMMA DI ALBERTO CE L'HA IL TRUCCO NEI OCCHI

IL PAPA' DI ALBERTO CE L'HA BELLO CAPPELLO

(la emilia usa sempre CE L'HA )
e mi ghe digo

ma na scuciarada de ca....i tui te a feto mai ?

[gio75]

vero mammaba
alma vol dire anima

ma paolo no ghe piase gnente

ghe piase ALICE
mi no so come farò combinar sto nome sta volta

un basoto alla pansotta
cavoli te manca gnente ormai !!!!!!!!!!!!!!

[helzbeth]

MAMMABA mandà MP....

GIò... mi me piaseva Matilde, ma nei ultimi ani el se diventà massa comune...

Agnese e Irene me piase, e i sta ben co Emilia
Diletta anca, ma el xe un fià "da libro"

[mammaba]

ALMA ALMA ALMA ALMA!!!!
Mi continuo a essere par ALMA, ...GIOOOOO dighe a to marìo che el me ciama mi, che in qualche maniera lo convinso!!!
Magari fame ciamare quando che so drio partorire così so bona a essere pì convinsente e ghe tiro drio anca quattro saràche se el me contradixe.....

[squinsy]

Gio, complimenti par a tosettaaaaaaaa!!!!

Mi me piase tutti i nomi che te gà indicà, però come che te disi ti evitarìe Matilde dato che desso lo gà tante tosette, Irene parchè dae me parti ghe ne xe un fraco, Noemi parchè desso anca quee e xe drio cressar e Diletta, come che dixe a mammaba, fa massa favoetta...

Agnese, Alma, Amanda e Dalila i xe quei che me piase de pì!!!

[gio75]

ok mammaba
avvisame co t eparti par l'ospedae che ghe digo subito al marito de ciamarte

[gio75]

grassie squinsy
speremo de partorir un'idea
prima che partorissa davvero !

[mammaba]

GIOOOOOO!
Ti te dovarissi aver fatto el cesareo con la Emilia, vero????
Non so se te ghe leto , ma forse farò el cesareo con Matteo, .....se savarà calcossa de più preciso doman o venare al massimo..
Come xea sta la to esperiensa?????
Xè tanto pezo del naturae che ti te sappia?????

[Maya70]

Bongiorno tose, i me vol far partorire al lavoro: ogni giorno na grana nova, che do bae

Alora, gò leto tuto:

Gio, che beo anca ti naltra femeneta Un po' me o sentivo! Par i nomi a mi me piase Matilde (mi no conosso bambine che se ciama cussì, no me par massa comune), Irene e Dalila.
Alma no me piase tanto...

Helzbeth, te vien a trovar anca mi a San Donà quando sforno? Varda che se te va a trovar a Mammaba e no te vien da mi me inrabio!

Mammaba, discorso cesareo...
Da queo che gò visto coi me oci, chi che gà un parto naturale normale, dopo el parto sta molto meglio de chi che gà un cesareo.
Mi dopo el cesareo sono stata in ospedae 7 giorni (col naturale conto de farghene 3/4, no de pì, e visto che Anika no xè mai stata na notte sensa so mama, prima che torno casa mejo xè). Di quei 7 giorni, i primi do moverse dal leto giera quasi impossibie. Poi me alsavo ma caminavo piegata a metà e ghe metevo le ore par arivare al nido o in bagno. A casa a prima setimana me movevo pochissimo, poi poco a poco me so ripresa e dopo un mese più o meno giero come prima (anca se non podevo ancora fare sforsi fisici).
Da queo che te scrivi, ti dopo el to naturale te si stada decisamente pezo de mi dopo el cesareo, quindi se el rischio de lacerassioni xè ancora cussì alto me sa che te convien el cesareo.
Però mi gò sempre sentìo che al secondo parto el rischio del lacerassioni xè molto pì basso che nel primo, e qui sarìa da capire quanto dee to lacerassioni sia imputabile ala infiammassion e quanto ale dimensioni dea Luna che no giera de certo uno scricciolo...
Xè anca vero che anca col cesareo te podaressi reagire mejo de mi, ghe giera una operada prima de mi che el giorno dopo giera già in pie, però tute le altre cesarizate giera prese come mi...
Scelta diffisie, veramente, no savarìa cossa consigliarte se non de afidarte al to gine, che me par proprio bravo.

[Maya70]

Tose, salvo ripensamenti de l'ultima ora, mi e me marìo gavaressimo trovà un nome che ci piace par a nostra ceetta: Raya!
Significa "flusso d'acqua" o anche "amica". E' indiano, breve e facile da scrivere e pronunciare, stessi criteri che avevamo adottato per scegliere il nome ad Anika. Che ne dite?

[Maya70]

Mi stanote gò vomità anca l'anima e gò ancora nausea: gò paura de aver ciapà un virus intestinae...