tante panse ga ste spose, e del veneto e xe e tose!

[Bucaneve]

ECCOME QUA!

L'amnio a go fata ieri all'ospedal de Caposampiero (PD) e me so trovada veramente ben! Xe ndà tutto ben. No go sentio per niente mal! El prelievo xe durà meso minuto! Desso so a riposo par tre giorni.
L'esito me o darà par teefono el 6 marzo. Speremo ben!

[mammaba]

Evvai!!!!
Bucaneve... son contenta che l'amnio sia andada ben.
desso, fatte coccoeare par ben so sti tre giorni che te ghe da stare a riposo.
L'ospedae de Camposampiero xè na garansia de quaità: semo nate sia mi che la GIO!!!!

[mammaba]

..e allora ghemo da spetare n'altra marantegheta!!!
Varda de stare tenta perchè mi tutte le putee che conosso che se ciama Giulia le xè tanto bee quanto tremende.... :prrrr

[Bucaneve]

Ciao Mammabà!
Gera da un tocco che no se beccavimo!
Se nol fusse cussì lontan andaria anca a partorir in quell'ospedal! Me ga fatto veramente na ottima impression!
Par quanto riguarda l'esser tremendi... anca mi so stada na putea tremenda! Perciò no posso spetarme niente de diverso! El frutto no casca mai lontan dall'albero!

[mammaba]

Ciao biscottona bucaneve!!!!!!
Par quanto riguarda l'ospeae dove partorire gheto za idea de dove andar?
Mi son andada tutte do le volta al Doeo parchè gavevo là el me gine e comunque ghe xè tutti i gine bravi, ma i fa el rooming in 24 ore su 24 ....par niente assistio, le infermiere del nido te le vedi con el lanternin. Così xè na gran ciofeca!
Parlando con la psicologa de spazio 0-1 de MIra (te spiegarò cossa che l'è che de sicuro se trovaremo là più vanti!!!) la me gà dito che el lavoro al doeo xè caeà tantissimo e tante femene gà dirottà a Miran perchè i gà atressà la saea parto con le ultime tecnologie (me pare che i fassa anca el parto in acqua), i te propone anca metodi alternativi tipo fare el travaglio in posision sentada e da poco i garantisse anca lori l'epidurae gratis tutti i giorni e le notti (tante, compresa anca mi, andava al Doeo anca soeo par questo).
In più a Mira i gà el servissio del nido ben organizà e se non me sbaglio non i fa el rooming in....

[Bucaneve]

Mammabà, mi dovaria andar a Mestre perchè el me gine lavora là! Xe el dott. B.....o, amico de Annette!
Per luglio sarà pronto l'ospedal novo, queo a Zelarin, e quindi andarò la... ma no so tanto convinta perchè non conosso nessuna che sappia darme notissie su Mestre e l'ospedal novo xe ancora un mistero per come che el funsionarà!

[mammaba]

Beh! Un ospedae vae l'altro alla fine. Mi te consiglio de seguire el to gine, in qualsiasi posto che el vada... a costo de seguirlo fin casa sua!!!
In molti casi non xè el posto, ma xè l'omo che fa la differensa....

[Bucaneve]

Vero! Paroe sante!

Notte tesorina!

[mammaba]

NOTTE BISCOTTONA MIA! :prrrr

[gio75]

ciao femane
bucaneve mi so NATA a camposampiero !
e cmq me zia voelva farme partorire là
ze che semo massa distanti !

[ale85]

CIAO CARISSIME
anca mi so nata a camposampiero no stasì desmentegarve..
Bucaneve biscottona..

LI AL NIDO LAVORA MIA ZIA DA 30 ANNI, è PUERICULTRICE, SI CHIAMA LUCIANA.. SE RIPASSI DI LA SAPPI CHE CI STA MIA ZIA!!!
CMQ IO IL PROX LO FACCIO SU, LI TI STANNO VICINO CI STA IL ROOM-ING, I PAPà POSSONO ENTRARE AL NIDO CON GLI APPOSITI VESTITI QUANDO VOGLIONO, IL BIMBO QUANDO PIANGE TE LO PORTANO IN CAMERA X ALLATTARLO SE NO TI VENGONO A CHIAMARE.. TUTT'ALTRA PAPPA INSOMMA RISPETTO A QUI


cmq il battesimo è andato benissimo, eravamo in poki intimi, sono rimasti tutti contenti del pranzo bomboniere e organizzazione..
Antonio ha un po' strillato ma con l'amico ciuccio si è calmato di gran lunga..
al ristorante ha sempre dormito..

Auguri a tutte di S. Valentino..

Scuseme l'italian, ma el me ze scampà!!

[Bucaneve]

Quindi no xe stada solo una me impression! L'ospedal de Camposampiero xe davvero ottimo!
Go appena sentio na me amiga che a ga partorio là a gennaio e anca ea se ga trovà da dio!
Me sa tanto che ghe tiro el bidon al me ginecologo de Mestre!

[gio75]

anca qua verona (legnago)
el papà podeva entrare giorno e notte a qualsiasi ora
e a fioea ze in camera 24 ore su 24 salvo l'ora de visite
e l'ora che passa i medici

pecà aver avuo el cesareo
sennò podevo anca ndar cambiarmea mi al nido ect
invece col cesareo già smontar dal letto e ndarmea tore iera un tormento dal male

[Michela80]

Ciao tose, gavì pasà ben san vaentin? Un baso a tute!

[mammaba]

Ciao tose, gavì pasà ben san vaentin?

...sì, ...sì.......con la testa sora el cussin!!!!!!

Fra poco mi e me marìo ghemo da prenotarse par scambiarse anca soeo do ciacoe!!!!
E ma appena passa sto periodo incasinà, .....me rifarò aea grande!!!
CIAO MICHELA!

[mammaba]

Mi el roomingin el me piaze soeo se el xè gestìo ben!
Gio ti te dizi che non te ghe la fazevi cambiare la Matilde.
Beh! Al Doeo i te dassa el picoeo in camera SEMPREEEE, anca col cesareo, fin da quando che te rientri in camerae i te fa la grassia de cambiarteo soeo el primo giorno.
Mi gò fatto el cesareo all'una de pomeriggio. Gò avuo Matteo sempre in camera (el santo de me marìo se lo portava a spasso con la cunetta) e i me lo gà portà via mezora soeo ae tre de notte...xè passà una del nido e la me gà ditto: te lo porto di là un pò così puoi dormire un pochino!!!!! GRASSSSSSSSSIE AL CASSSSIO!!!! ....dopo un giorno de doeori te rivi qua! e te me lo tien adirittura par na mezora!!!!!
Alla mattina dopo i me gà alsà e non i me lo gà più cambià, ..gò dovuo rangiarme mi!
El Doeo gà bravissimi ginecologi, ma par quanto riguarda l'assistensa del nido....na scoassa!

[gio75]

mammaba ma dime onestamente
ma ti sto caccchio de cesareo te gaeo fato mae si o no?
perchè mi a parte che el primo co l'anestesia totae ze sta peso de questo qua pena fatto
ma istesso cmq go avuo taaaanto mae
par alsarme da leto fasevo e acrobassie
no saveo pi dove pontarme
me tegnevo a pansa coe man caminando
dopo passava la infermiera e a me urlava
schina dritttaaaaaaaaa

[mammaba]

GIOOOOOO...
TAAAAAAAAAAAANTOOOOOOOOO MAE ANCA MI!

El cesareo di per sè xè na passeggiata, anca el fatto de essare sveia finchè i te taja, non me ga fatto impression, ansi, ... non vedevo l'ora de vedare MATTEO E DE sentirlo.
Nell'ora dopo l'operassion gero in leto che me dizevo: ahhhhhh, beh! se el cesareo xè questo, ..a ghe ne fasso altri 10 de fioi.
Sìiiiiiiiiiiiiiiiiiiiiiiiiiiiiiiiiiii, ...come no!!!!????
Passà l'effetto dell'anestesia , ...xè sta quasi 24 ore de doeri atroci, ..gnanca l'antidoerifico non me fazeva niente, ....i podeva mettere l'acqua de rose soa flebo che sarìa sta la stessa roba.
Na santa de infermiera la me gà spiegà che i doeori xè cossì forti perchè gavevo taccà anca la flebo par provocare le contrassion dell'utero par farlo tornare a dimension normae, ....roba che l'utero fa da soeo nel caso del naturae (...e che mi con LUNA NON ME Gà FATTO PAR NIENTE MAE).
La gera na contrassion continua sensa sosta.
Par fortuna verso mattina i doeori se gaveva calmà, ma se ga fatto subito vive do arpie de infermiere che le me gà letteralmente obligà ad alsarme, andare in bagno accompagnada, ....par el me ben le me dizeva ...ma mi in chel momento le gavarìa sotterà. Anca mi non savevo da che parte tacarme anca soeo par girarme sol letto, figuremosse scendere!!!!
E spetta .....a gavevo da metterme la pancera ogni volta che me alzavo.....na manovra degna del migliore cantiere navae....
Anca mi giravo tegnendome con le man la pansa, me pareva che se stacasse tutto, però devo ammettere che le gaveva razon le do arpie, ...più me sforzavo a scendere e camminare e mejo stavo. Tanto che el terso giorno gero za bea che giravo par i corridoi a ciacoeare con quee che fazeva i monitoraggi e el primo giorno che gero casa son andada anca a fare na bea passeggiata con me marìo e Matteo, nonostante che gavesse ancora su le graffette soa pansa.
Posso dire che el cesareo xè pezo del naturae nelle ore subito dopo, però considerando le complicassion che gavev avuo con Luna, ...a mi me xè sembra na passeggiata dopo, non me pareva gnanca vero poderme movere za a pochi giorni dal parto.
Però non xè na passeggiata come molte poe pensare, el doeore ghe xè eccome se el ghe zè.
El momento più brutto?????
Ae mattina dopo el parto quando che le me gà alsà (che maeeeeee!!!) e poche ore dopo quando le me gà felicemente informà che i me gavarìa fatto un clisterin par aiutarme ad andare in bagno , ...sò sbiancada, gò anca insistio a dirghe che non el me serviva, ma niente......te giuro che xè sta tra i momenti più tragici del ricovero.
Con mi le infermiere le gaveva su perchè strssinavo i pie el primo giorno, ....a gavevo paura parsin de alsarli par non fare sforsi!!!!

[Pesciolilla]

Mi posso dirte de Villa Salus...mi me so trovada benissimo!
Ora no eo so cossa sucede, perchè col novo ospeal de Mestre i voeva accorpar e cavarghe el reparto maternità a Villla Salus....
El Rumin'in a Villa Salus xe a piaxer...se ti ga bisogno i teo tien, altrimenti ti pol tenirlo ti anca de note.
Ghe xe a vasca par el parto in acqua, e le ostetriche te assa i to tempi, parla pian a bassa vose.

[gio75]

mammaba
te ghe descritto esattamente quel che go vissuo mi
solo che mi goa naca avuo e coliche
quindi :
RAGADI
DOLORI DEL CESAREO
MORSI UTERINI
COICHE
TOSSE (proa tossire co na pansa pena taià)
MAL DE TESTA
=
a un certo punto me so messa darme i pugni in testa e me disevo
VOIO MORIREEEE
me marito me vardava e me diseva
MA SITO IMPAZZITA ?
giuro mi piansevo come na sema
ndavo in bagno sperando de scaricarme o almeno far un pò d'aria
ma gnente
credame go capio cosa prova i putei che ga e coiche
i ga tute e rason del mondo urlare come matti