Ecco e venete GIULIA E ZAIRA!Qua a cicogna ne ciapa de mira!

[mammaba]

Caio toseeee!
Finalmente el novo post...

Mi so pena tornada dae ferie, ...e anca mi da doman, ...se comissia seriamente con la dieta .
So stada in puglia vissin a Gallipoli, ..beh!, ...un paradiso terrestre....e gerimo ospiti dei santoi de Matteo, ...quindi non ve digo le magnade che ghemo fatto a casa dei genitori de questi...a so rivada casa con tre chii de zavorra in più, ...e te pareva!!!!!
Beh! comunque me so divertia da matti.
Luna, che gaveva sempre avuo paura dell'acqua, ..st'anno la se gà trasformà in un picoeo pessetto, ..la noa con i braccioli e la ga comissià a stare a galla anche sensa, ...e logicamente gò ciapà la baea al balso e stamattina son andata informarme par iscriverla a un corso de nuoto, ...la pare entusiasta, ...vedaremo, ....el comissia in ottobre e vanti quea data ghe ne passa de acqua sotto i ponti!!!

[mammaba]

Ciao Kristel...benvegnua, ...ultimamente qua se scrive poco, ..semo tutte ae prese con panezei e pianto de putei piccoi e el tempo non xè tanto, ma semo na bea compagnia, ..te te trovarè ben...
Mi so Barbara e abito a Mira (venessia) ma conosso Valdagno percè gò abità par gran parte de la me vita a Torri de Quartesolo, a Vicensa, ...a Valdagno vegnevo spesso a zogare i tornei de pallavolo, ..nei me anni d'oro quando la me ambission gera de diventare come mimì ajuara, ...desso al massimo posso avere l'ambission de fare la baea dea partìa
Dove xè che te insegni????

[mammaba]

Desso ve conto del spaurasso che gò ciapà prima de partire par le ferie....
A gò perso dieze anni de vita dall'angoscia...
Tre giorni prima de partire gavevo na gamba insensibie sia alla temperatura che al doeore, ...e sta roba gà camminà fin so la tetta ...tuuto dalla parte sinistra del corpo. Non ghe gavevo dato tanto peso, pensavo a un discorso de stress o un nervo infiammà. El giorno prima de partire (gera de giovedì) gò deciso de andare al pronto soccorso, giusto par farme dare na occiada, visto che me dovevo fare più de 1000 chiometri e voeovo essere tranquia...
Beh, ...na odissea, ...so andata ae nove de mattina e so tornata casa ae otto de sera.... non i saveva cossa farme e i me gà mandà daea neurologa, che me gà trovà a posto col primo esame generae ma che la me gà prescritto na risonansa urgente al serveo e al midollo spinale, perchè comunque calcossa doveva esserghe....podeva essere na semplice infiammassion come na roba più grave come la sclerosi multipla o un tumore.....alèèèèèèèè, ...me xè cascà el mondo addosso....
...e partensa rimandata...
tra l'altro sto tipo de urgense par la sanità italiana, ghe xè na attesa par la risonanza de do mesi ...uno fa ora morire, ma daea paura de avere calcossa!!!
Grassie al santo omo de me cognà so riussia ad avere l'esame tre giorni dopo a l'opsedae de chioggia con esito immediato (santo omo de cognàààààà)
Esito????? Par fortuna tutto negativo, nè una ernia , nè cose gravissime e soprattutto con sta risonanza xè sta esclusi le sclerosi e el tumore....
In definitiva la roba più probabie xè che gò avuo na nevrite....el tutto risolto con delle lunghe passeggiate in acqua al mare....

TOSE, GIURO CHE ME Sò CAGà ADOSSO DAEA PAURA.....
Quando che gò realizà che podevo avere anca calcossa de grave, ...non fazvo altro che ripetere a me marìo che me despiazeva par Luna che non la podeva partire par le vacanse, ....a gero davvero via con la melona!!!!!

Comunque tutto se gà risolto al meglio e noialtri ghemo soeo rimandà la partensa de tre giorni, ...e sopratutto desso gò la certessa che mi
SO SANA DE MENTEEEEE!
Carta canta!!!!!

[mammaba]

Ah! E comunque a causa della risonansa (dovuta fare anche col contrasto) gò dovuo smettere de allattare par tre giorni dopo l'esame.
Siccome Matteo comissiava a mòrderme le tette, gò ciapà el giro par staccarlo definitivamente....zà me immaginavo i drammi (con Luna la gò staccada dopo do anni de ciucciatette e con pianti apocallittici)...e invesse come se non fosse cambià niente ...el gà fatto soeo un piccoeo piantin la prima notte, ...e dopo basta, ...a desso gnanca non el sa più cossa che el xè le tette de so mare, ....beh! ve digo che un pò me despiase de non averlo allattà tanto come Luna, ma che so anca più libera e meno stressada, ...e in più alla notte desso el se sveia soeo na volta, al massimo do par berse na pinta de camomilla..... tutto n'altro vivere!
Adesso me fasso n'altri quindese giorni de latte artificiae dopo penso de passare a queo de vacca, o al massimo fare na puntatina par un mesetto a queo de càvara, ...giusto par passare l'anno....
Unico neo: el beve talmente tanta camomilla durante el giorno e la notte che el genera dei pannoini talmente pesanti che podarìa essere classificai come arma pericoeosa, ...se uno lo ciapa in testa el va diretto in rianimassion!!!!

[gio75]

ciao mammaba
intanto son contentissima che queo che te ghe avuo fosse solo na cavoeada e no robe serie !
te credo che te geri agità !

cavoi varda anca mi so qua che oi cavarghe sta cavoeo de tetta alla matilde
co a emilia go tirà vanti un anno ma de notte a gera unghiro

questa ? a se sveia diese volte e la vol sempre la tetta
stanote dale 5 alle 8 co a teta in boca
mi par sfinission ghea do ma desso basta so stufa agra
go do tette che paro una mucca e in più devo metarme in dieta a che a dicembre se sposa me sorea

ti gheto tolto a pastiglia ?
mi co a emilia si go tolto a pastiglia
stavolta penso idem perchè de latte ghe ne go ancora tanto

[mammaba]

Non gò tolto niente gio...
Me so tirà via el latte na volta al giorno e nel giro de na settimana xè caeà la produssion....
Ghe ne gò ancora, ma poco, ...par dirte, ...xè na settimana che non me lo cavo e non gò nè tette dure, nè che me fa mae e gnanca perdite, ...quindi vago vanti cossì, ..finchè non sento diversamente non fasso niente, ...secondo mi el va via da soeo, ....
Però tien conto che Matteo gà quasi undeze mesi, ...Matildeghe ne gà sette e ti te sì nel pieno dea produssion, quindi forse non xè semplice così farseo andare via...
Non so, ma mi la pastiglia la evitarìa però.
Pittosto me lo cavarìa col tiralatte e ghe lo darìa col bibe così un fià alla volta la se abitua al latte col bibe, la se desmentega dea tetta e ti, tirandoteo via manco spesso, un fià alla volta cala la produssion.

Comunque matteo anca sensa tetta stanotte gà fatto el monellaccio, ...el se gà sveià spesso, ...però almanco non gò più le tette fora.

Dieta?????
Non stame parlare, adesso bisogna che me metta anca mi seriamente.
Ogni mattina parto ben, ...xè dopo, nel pomerigiio che me frego, ....fa caldo, ....el geatin me fa voia, ....spesso so de fretta ai pransi e quindi vado de pan e afettatti, ...e così ogni giorno comissio e ogni giorno mando tutto in vacca!!!!

Dai Gio!
Creemo na cellula impazzita delle dietoline.....??????
Se demo appuntamento qua ogni fine settimana, par dirse come che va la dieta....
alla mal parata se pianzemo dosso, e se consoemo con na biretta!!!!!

Mi parto seriamente Lunedì, parchè in sti giorni so sensa marìò (l'è in svissera par dei concerti) e so zà che el stress che gavarò par gestire tutto da soea el sarà causa de sgarri continui.
ma da Luni, non ghe santi nè madonne, ....dieta a tutti i costi!

[Germy]

Giorno tose
semo tornà dalla montagna, se stava troppo ben col sole ma con l'aria fresca e non la calura dea pianura
non go leto nessun arretrato, a son tornà a lavorar
un a tutte

[squinsy]

Ciao tose...
passo a sauedarve e a tirar su el post.....

Xe un toco che no passo, però, in teoria, dall'ufficio no podarìe pì connettarme, quindi evito el pì possibie...

[gio75]

ciao a tutte
mammaba me va benissimo far un angolo dieta in sto post veneto !!!
chissà che se demo na man ma mi go davvero molto pi bisogno de ti de caeare

da lunedi son in dieta
e no te digo...che mese....intanto el 9 festeggio 8 anni de matrimonio
l'11 compisso i anni
e dopo ghe ze a sagra del coeghin qua quindi devo rinunciare a un sacco de robe
e anca la sagra del risotto che dura un mese e mezo
(http://www.fieradelriso.it)
va ben passiensa
ormai son na baena quindi no ghe ze santi nè madonna
go da smaltir sta ciccia nefanda che me porto vanti

per ora sta settimana le sta duretta
go eliminà pasta pan dolci e quel che ze peso L'ALCOL !
niente bira, niente de niete
acqua e cocazero quando me vien le voie

se dopo te vardi l'ultima foto del me photoalbum te vedi cossa go combinà par sercre de mantegnere salde le me intension :ahah

par desso me par de esarme sgonfià
doman me peso

stasera me ga invità i vicini e me sa che i fa tuta roba ai feri
beh dai a carne in teoria posso magnarla !

[gio75]

eccomi qua
pesata stamattina
meno 2.2 kg MA
sabato e domenica scorsa mi ero abbuffata quindi il peso di lunedi era poco veritiero
cmq sto mangiando bresaola a nastro

[squinsy]

Anca mi ormai xe ora che tache dieta, anca parchè ormai xe ufficiae: fra 8 mesi, 3 settimane e 3 dì, me sposo!!!!!!!

[gio75]

evvviva squinsy son contentissima !
anca mi el 6 dicembre son a nosse de me sorea e son a testimone

[squinsy]

Che beo,un matrimonio col fredo!me mama se ga sposa a febbraio,ma mi son massa freddoeosa sar sposarme col fredo..

[Michela80]

EVAI SQUINSY te sarè na sposa beissima. Sò masa contenta par ti!
Ciao Giò

[Germy]

Giorno toseeeee
a son ciapà con l'inserimento al nido de Mattia ... ancò xe sta el 3 giorno el xe sta mezora da soo coe maestre, el ga pianto tanto e mi pure fora ... speremo che doman vada meio

la setimana scorsa semo sta al mare 3 giorni a rinfrescare il colorito e a fare il bagno ... che beo pecà dover lavorare

squinsy, che beo te te sposi

[gio75]

eccomi qua
pesata stamattina
meno 2.2 kg MA
sabato e domenica scorsa mi ero abbuffata quindi il peso di lunedi era poco veritiero
cmq sto mangiando bresaola a nastro

eccomi pesata de uncuò
meno 3.7 kg

mammaba ndo sito che dovevimo supportarse un pò ?

[squinsy]

Entro anca mi nel gruppo de sostegno....
Pesada ieri mattina....
Ma no digo quanto che iera a baeansa...

[squinsy]

Ieri sera prima lession de acuagim..
che fadigaaaaaa!!!!
Ma so' restà soddisfatta!!!
ME PIASE!!!!

[gio75]

ciao donne
comellla che battete la fiacca ?

[squinsy]

Ciao a tutte!!!
A dieta a procede, anca se uncuò xe stà un degheio a pranso...
Ierimo de festa de compleanno de me sorea e gò magnà come na buea...
A pesata ufficiae a xè a doman matina, però a stamatina iero a -1,2 kili...